डोळा मारायचं ठरलं नव्हतं, ते उत्स्फूर्त: प्रिया

887
2790

मुंबई: यंदाचा ‘व्हॅलेंटाइन डे’ गाजवणारी मल्ल्याळी अभिनेत्री प्रिया प्रकाशवारियारचा व्हायरल व्हिडिओ न पाहिलेली व्यक्ती अपवादानंच सापडेल. नुसत्या नजरेनं ‘या हृदयीचं त्या हृदयी’ पोहोचवणाऱ्या प्रियानं स्वत:च चित्रपटातील त्या दृश्यामागचा गमतीदार किस्सा एका मुलाखतीत शेअर केला.
‘शाळेच्या अल्लड वयातील निरागस प्रेम मी अभिनयातून साकारावं, अशी दिग्दर्शकाची इच्छा होती. भुवया उडवण्याचा आमचा सीन आधीच ठरला होता. पण भुवया उंचावताना डोळा मारायचा हे मात्र ठरलं नव्हतं. डोळा मारणं, गोड हासणं, लाजणं हे सगळं उत्स्फूर्तपणे केलं,’ असं प्रिया म्हणाली. आपण असं काहीतरी हटके करू शकतो, अशी कल्पना डोक्यात आल्यावर ती ट्राय करायची असं ठरलं. एकाच टेकमध्ये सगळं फायनल झालं. दोन-तीन रिटेक झाले असते तर त्यातला फ्रेशनेस, सहजता निघून गेली असती, असं ती म्हणाली. मी सुद्धा नवं काहीतरी करून पाहावं म्हणून प्रयत्न केला आणि आश्चर्य म्हणजे हे सगळ्यांनाच आवडलं,’ असं तिनं सांगितलं.
प्रियानं नृत्याचं शास्त्रशुद्ध शिक्षण घेतलंय. गेली अनेक वर्ष ती मोहिनीअट्टम शिकतेय. तिच्या नृत्यकलेचा फायदा तिला त्या दृश्यात नेमके हावभाव आणण्यासाठी झाला, असं ती म्हणाली. ‘ओरू अदार लव’ या चित्रपटातून प्रिया ही मल्ल्याळम चित्रपटसृष्टीत नायिका म्हणून पदार्पण करणार आहे.

887 COMMENTS

  1. Can I just say what a relief to find someone who actually knows what theyre talking about on the internet. You definitely know how to bring an issue to light and make it important. More people need to read this and understand this side of the story. I cant believe youre not more popular because you definitely have the gift.