दि. बा. पाटील यांचे अपूर्ण स्वप्न पूर्ण करण्यासाठी कायम कार्यरत राहू या – लोकनेते रामशेठ ठाकूर

0
53

पनवेल : आपले नेते दि. बा. पाटीलसाहेब योद्धा बनून प्रकल्पग्रस्तांसाठी लढले. शेवटच्या श्वासापर्यंत त्यांनी फक्त जनतेचा विचार केला. शेतकरी, प्रकल्पग्रस्तांच्या हक्कासाठी सतत लढणारे झुंजारनेते दि. बा. पाटील यांचे प्रकल्पग्रस्तांच्या दृष्टीने अपूर्ण राहिलेले स्वप्न पूर्ण करण्यासाठी कायम कार्यरत राहू या, असे आवाहन दिवंगत लोकनेते दि. बा. पाटील सर्वपक्षीय संघर्ष समितीचे अध्यक्ष माजी खासदार लोकनेते रामशेठ ठाकूर यांनी केले. झुंजारनेते दि. बा. पाटील यांचा आज (दि. २४) सातवा स्मृतिदिन होता. त्यांना अभिवादन करताना ते बोलत होते. दिबांच्या पनवेल येथील संग्राम निवासस्थानी आणि आगरी समाज समाज सभागृहात फिजिकल डिस्टनसिंगचे पालन करत सर्वपक्षीय नेतेमंडळी, विविध क्षेत्रातील मान्यवरांनी अभिवादन केले. यावेळी दि. बा. पाटील यांच्या कार्याचा गौरव करून प्रकल्पग्रस्तांचे प्रश्न सोडवण्यासाठी कोरोनाला न घाबरता दिबा पाटील साहेबांच्या आशीर्वादाने अन्यायाविरोधात मैदानात उतरण्याची गरज असल्याचे मतही माजी खासदार लोकनेते रामशेठ ठाकूर यांनी व्यक्त केले. यावेळी भाजपचे उत्तर रायगड जिल्हाध्यक्ष आमदार आमदार प्रशांत ठाकूर, उरणचे आमदार महेश बालदी, माजी आमदार मनोहर भोईर, माजी नगराध्यक्ष जे. एम. म्हात्रे, भाजपचे तालुका मंडल अध्यक्ष अरुणशेठ भगत, शिवसेनेचे जिल्हा सल्लागार बबन पाटील, कामगार नेते महेंद्र घरत, सुरेश पाटील, दिनेश पाटील, भूषण पाटील, मुंबई कृषी उत्पन्न बाजार समितीचे संचालक राजेंद्र पाटील, पंचायत समिती सदस्या रत्नप्रभा घरत, गव्हाणच्या सरपंच हेमलता भगत, साई संस्थान वहाळचे संस्थापक रवी पाटील, चंद्रकांत घरत, जे. डी. तांडेल, विजय घरत, तसेच दिबा पाटील साहेबांचे कुटुंबीय आदींनी दि. बा. पाटील यांच्या प्रतिमेस पुष्पमाला अर्पण करून अभिवादन केले. 

LEAVE A REPLY

Please enter your comment!
Please enter your name here