माणगाव :
माणगांव तालुक्यातील कशेणे या ठिकाणी मुंबई -गोवा हायवे लगत या फ्युएल सेंटरचे उदघाटन करण्यात आले. भारत पेट्रोलियम अंतर्गत सदरचे सेंटर उभारण्यात आले आहे. भारताचा ७५ वा अमृत महोत्सव या निमित्त देशाचे प्रधानमंत्री नरेंद्र मोदी यांनी देशामध्ये ७५ सिएनजी सेंटर उभारण्याचे जाहीर केले होते. त्या मधील रायगड जिल्हामध्ये माणगांव तालुक्यात कशेणे गाव येथे मुंबई – गोवा हायवे लगत एक सिएनजी सेंटर उभारण्यात आले आहे.
या सेंटर चे पनवेल येथील मालक तसेच नामवंत उद्योजक लक्ष्मणजी पाटील यांनी कशेने येथील हायवे लगत हे सेंटर उभारले असून या सेंटर च्या उदघाटन प्रसंगी रमण मलिक, अचमन ट्रेंटन, अनुप तनेजा, रमेश मिनी,उमेश कुलकर्णी प्रमुख पाहुणे उपस्थित होते. या वेळी मालक लक्ष्मण पाटील, प्रविण पाटील, अस्मित पाटील, तळाशेत इंदापुरचे माजी उप सरपंच अजित भोनकर,सदस्य संतोष मुढे, युवा उद्योजक उदय डाळ, रंजित मालोरे तसेच अनेक डीलर तसेच ग्राहक बहुसंख्येने उपस्थित होते. पेट्रोल पंप आणि सिएनजी हे एकञच असून व अनेक सुविधा उपलब्ध असल्याने या सेंटर चा उपयोग अनेक वाहन धारक यांना होणार असून पनवेल ते खेड पर्यंत गॅस सेंटर नव्हते त्यामुळे अनेक वाहन धारकांना या सेंटर चा मोठ्या प्रमाणात उपयोग होणार आहे.
मुंबई – गोवा हायवेवर पनवेल ते खेड पर्यत एकही सिएनजी गॅस सेंटर नव्हते. सिएनजी वाहन चालक यांना रोहा आणि पनवेल , नेरुळ या ठिकाणी गॅस भरण्यास जावे लागत होते. परंतु आता माणगांव तालुक्यात इदापुर कशेने गाव हायवे लगत सिएनजी सेंटर उपलब्ध झाल्यामुळे पोलादपुर, महाड, श्रीवर्धन, म्हसळा, तळा, तालुक्यातील तसेच लोणेरे, गोरेगाव, इंदापुर, निजामपुर, या विभागातील ग्राहक यांच्यामध्ये मोठे आनंदाचे वातावरण आहे.
