‘लोकनेते दि. बा. पाटील आंतरराष्ट्रीय विमानतळ’ नामफलकाचे अनावरण

      सकाळी प्रथम तरघर येथे  नंतर  उलवे  व चिंचपाडा येथे  नामफलक  लावण्यात आले. यावेळी समितीचे अध्यक्ष दशरथ पाटील यांनी राज्य सरकारचा या नावाला विरोध नाही . त्यामुळे दोन्ही विधिमंडळात ठराव मंजूर करण्यात आला आहे. तो केंद्र सरकारकडे मंजुरीसाठी लवकर पाठवावा अशी आमची मागणी आहे. त्यासाठी आम्ही मुख्यमंत्र्यांची भेट घेतली त्यांनी यासाठी पालकमंत्री  उदय सामंत यांना पाठपुरावा करण्याची जवाबदारी दिली आहे. त्यामुळे आता लवकरच त्याला मान्यता मिळेल असा विश्वास व्यक्त करतानाच आज क्रांती दिन आहे. तुम्ही फार वेळ घेऊ नका अन्यथा आम्हाला क्रांति करावी लागेल. ११ ऑक्टोबर जयप्रकाश जयंतीला आम्ही मंत्रालयावर लॉग मार्च काढू असा इशाराही देण्यात आला.

        आपले लाडके लोकनेते ज्यांनी आपले संपूर्ण आयुष्य समाजाकरिता, दिन- दुबळ्या करिता व ओबीसी करिता खर्च केले त्यांचे नाव  नवी मुंबई आंतरराष्ट्रीय विमानतळाला  दिले जावे ही आपली सर्वांची इच्छा आहे. त्याकरिता अनेक वर्ष आपण लढत आहोत . आता तो क्षण अतिशय जवळ आलेला आहे. प्रत्यक्ष सरकारने ते जाहीर करावे अशी अपेक्षा आहे ते लवकरच होईल याची शंभर टक्के खात्री आहे आज या जागेवर आपण लावलेला फलक काढण्याची कोणाची हिंमत  नाही. पण जे कोणी बोलतात ते कधी दोन वर्षात  एकदा तरी आले का ? काय चालले  हे ऐकायला ही आले नाहीत. ते वार्‍यावर बोलतात त्यांची आपल्याला गरज नाही आपले ध्येय  नवी मुंबई विमानतळाला लोकनेते दि. बा. पाटील यांचे नाव देणे आहे –  लोकनेते रामशेठ ठाकूर

        आजच्या दिवशी गेल्या वर्षी सरकारने नवी मुंबई विमानतळाला  लोकनेते दि. बा. पाटील यांचे नाव देण्याचा जो निर्णय घेतला . त्याला विधी मंडळाच्या दोन्ही सभागृहाने  मंजूरी दिली . केंद्र सरकार कडून मंजूरी मिळण्याची उत्कंठा आता सर्व भूमिपुत्रांमध्ये लागून राहिली आहे. ते काम लवकरात लवकर पूर्ण व्हावे यासाठी आज प्रकल्प ग्रस्तांच्यावतीने  येथे लोकनेते दि. बा. पाटील यांचे नाम फलक उभारले  आहेत. अनधिकृतरित्या फलक लावला असा आरोप करणारे  आंदोलनात कधीच सहभागी झाले नव्हते. आज त्यांच्या पाठी जनमत नाही, बहुमत नाहीत.  त्यावेळी स्वप्नरंजनात वावरून ते पत्र लिहीत आहेत. त्यांचे सरकार असताना कार्यकर्त्यांवर केसेस झाले त्यांनी जे भोगले आहे त्यांच्या समोर त्यांनी येऊन बोलावे – आमदार प्रशांत ठाकूर